Kawng chhia avangin lirthei tangkhang tam leh

Tunhnaia ruahsur chuan Aizawl leh Silchar inkar kawngpui, a bikin Sairang leh Kawnpui inkar kawng chhia a tih chiau nasat lehzual avangin lirthei tangkhang a tam leh tawh hle.

Thudawn danin, darkar 36 kalta chhung khan Kawnpui atanga Aizawl pan bungraw hrang hrang phur lirthei 437 chhuah a ni a, lirthei  ruak, Sairang peng leh Mualkhang/Khamrang inkara tangkhang Assam lam pan tur chhuah a ni lo thung a, hemi hun chhung vek hian Khamrang-a Assam lam pan truck ruak 587 chu an tangkhang mek a ni. Kawnpui-ah Aizawl lam pan bungraw phur tangkhang 35 a awm bawk a, heti hian ruahsur avangin Sairang leh Kawnpui inkarah lirthei  622 a tangkhang mek a ni.

Thudawn danin Sairang leh Kawnpui inkar kawng siam that tawh chu a chhiat leh nasat tawh em avangin kawng hi a nal em em a, truck ruak a kal hlei thei lova, lirthei tlu leh tang an tam thei hle a ni.