State Museum tlawhtu tam

Art & Culture Department enkawl Mizo-ram State Museum chu kumin chhungin September thla thleng khan mi 7,763-in an tlawh a, hemi hun chhung hian Museum thlawhtute hnen atangin Rs. 1,23,550 /- hmuh niin Museum tlawhtu tam zawk hi hnamdang an ni. Mizoram State Museum hi Pathianni leh sawrkar chawlh tih lohah chuan nitin tlawh theih tura hawn ziah a ni a, tlawh man hi naupang tan cheng 10 leh puitling tan cheng 20 a ni a, ramdang mi tan 50 a ni thung a. Hemi piah lamah hian zirna kaihhnawih a tlawhtu zirlai naupang, kalpui nei te tan zaa 50 tlawm an nih bakah kum 65 chin tan a thlawna tlawh theih a ni bawk.