Serchhip damdawi In enfiah hna thawh tan a ni

India rama Damdawi In tha tehna, NQAS atan Serchhip-a District Hospital enfiah hna chu nimin khan thawh tan niin Vawiin hian chhunzawma zawhfel tur a ni ang.
NQAS National Certificate nei thei tura Serchhip-a District Hospital enfiah tur hian Dr. Shalini Chawla leh Dr. Pranjal Protim Gogoi te chu nimin khan rawn kalin chawhu lamah Serchhip an rawn thleng a, Serchhip CMO Dr. LP. Malsawma leh District Medical Superintendent Dr. ZD. Lalmuanawma bakah thawktu dang ten lo dawngsawngin Serchhip CMO Conference Hall-ah anmahni lo lawmna hun hman a ni a, he hunah hian Serchhip District Hospital dinhmun tlangpui hrilhfiah nghal an ni bawk.

National Quality Assurance Standards (NQAS) Certified damdawi In te hi endikna chhawng thum paltlang an ni a, a tawp bera endikna an hma-chhawn hi National External Assessment niin State pawn atangin Assessor (endiktu) an lo kal thin a ni. Hetah hian tehna hrang hranga 70% an hmuh tlin chuan Certified an ni chauh thin a. Damdawi In hi natna darh thei ven kawngah te, thawktu zawng zawngte an hna bil an thiamna te, an Level zelah enkawlna an pek that dan te, a thlawna enkawlna leh damdawi pek te, damdawi in faina leh dik taka damdawi In bawlhhlawh sawngbawl te, hawihhawmna leh a chhehvel vawnfai kawngah te, environment vawn that kawngah te endik tur an ni a. Nimin khan Damdawi In hi endk tan nghalin Vawiin hian chhunzawm leh a ni ang.