Damdawi In tha zingah North Vanlaiphai PHC tling

India rama sawrkar damdawi In tha bik tehna ah North Vanlaiphai PHC chu tling ve lehin anni rual hian Rabung PHC, leh Farkawn PHC te pawh an tling bawk a ni.
    India rama sawrkar damdawi In tha bik tehna, National Quality Assurance Standards (NQAS)-a tling thar North Vanlaiphai PHC hian tehna hrang hrang an hmachhawn hnuah za zela 92.63 an hmu a, an ruala tling Rabung PHC in 86.68% leh Farkawn PHC in 80.78% an hmu a ni. Heti hian Mizoram chhunga HWC-PHC 57 target awm zinga 39-in National NQAS Certificate an nei tawh a. Mizoram chhunga Sawrkar damdawi In 52 te chu NQAS National Certificate nei tawh niin tunah hian sawrkar damdawi In 15 leh HWC Sub-Centre 21-in State Level Certificate nei tawhin National-Level Assessment an dil mek bawk a ni.