Serchhip-ah Council of Churches in Mizoram zirhona nei
.jpeg)
CCM Seminar vawi 7-na hi CCM Treasurer Upa R. Lalmalsawma chuan kaihruaia hunserh a hman hnuah CCM General Secretary Rev. Dr. Lalhmangaiha Paper buatsaih ‘CCM lo pian chhuah dan leh hmalam thlirna’ tih chu zirho a ni a. Mizoram Kohhran te chuan CCM din a nih hma pawhin inlaichinna tha tak an lo neih tawh thin thu leh Kohhran te pawh an inpalai tawn thin thu te, kum 1949 atangin a khat tawkin Kohhran inpumkhatna lam thupui sawi turin vawi tam tak Meeting koh a nih tawh thu te, heng-a an thurel te chu bawhzui a nih thin loh avanga a hlamzuih leh thin thu leh kum 2003 atangin thawhhona lam rilru chawh thawh thar leh tan a nih thu te, hemi hnua hmalakna a kal chhoh dan leh Seminar te neiin October 27, 2024-ah Council of Churches Mizoram (CCM) hawn a nih tak dan te tarlan a ni.
He Seminar-ah hian chawhnu lamah Presbyterian New Serchhip Bialtu, Pastor K. Lalhnehliana kaihhruaiin Group hrang hrangah inthenin sawihona neih leh a ni a, heng te hi khaikhawmna hun hman leh a ni bawk.
Council of Churches in Mizoram (CCM) hi Oct. 27, 2024 (Pathianni) khân Mission Veng Presbyterian Kohhran Biak In-ah a hawnna neih a ni a, tunah hian Kohhran 9- Evangelical Church of Maraland, Evangelical Free Church of India, Independent Church of India, Isua Krista Kohhran (Bualpui NG), Lairam Isua Krista Baptist Kohhran, Baptist Church of Mizoram, Mizoram Presbyterian Church, Wesleyan Methodist Church, Mizoram leh Zomi Baptist Church te an tel mek a. Mizoram hmun hrang hrangah CCM Seminar hi neih niin tun tum hi a vawi 7-na a ni a, Presbyterian Kohhran leh Mizoram Baptist Kohhran atangin mi 130 vel an tel a ni.
Comments
Post a Comment
I ngaihdan i sawi hian mipui ngaihdan i tarlang a ni!