Serchhip District Consumers’ Association (SDCA) hruaitu hlun leh President nilai H. Zonuntluanga chu nimin zing dar 2:49 khan Cancer vanga boralin nimin khan vuiliam a ni. New Serchhip Bazar Veng-a khawsa H. Zonuntluanga (64) hi Serchhip-a Consumers Association bultantu leh SDCA a President nilai a ni a, Govt. Serchhip College-a thawk thin niin thla hmasa, September thla tawp khan Pension in a chhuak chauh nghe nghe a, an Kohhran-ah Upa nilai a ni bawk. Hun engemaw chen Cancer natna hi tuara enkawl a nih hnuah nimin zing khan Durtlang damdawi In-ah a boral ta a ni.
