Ruihhlo la man belh zel

Zonuna Kawlni /

Mizoram sawrkarin ruihhlo tawlh leh ruihhlo ngaite laka beihpui a thlak mek laiin ruihhlo thahnem tham tak man zui zel a ni.

Home Minister K. Sapdanga kaihhruaina hnuaia Police, Excise & Narcotics Department leh Central YMA te'n 'Jeriko Beihpui' (Operation Jericho) hming vuaha ruihhlo tawh leh ruihhlo ngaite laka mipui mimir himna atana beihpui an thlak mek laiin an insawr-bingna ber Champhai District-ah ruihhlo thahnem tak man reng a la ni a. He beihpui hi September ni 1 atanga thlak tanin December ni 31 thleng kalpui tura ruahman a ni a. IGP H. Ramthleng-liana hovin Central YMA hruaitute chuan Champhai District-a Myanmar ramri hrula ruihhlo tawlhtute'n luhka atana an hmante chu a bulhnai khua a YMA Branch hruaitute nen an fang a. Khawtlang leh YMA hruaitute nen inkawmin beihpui thlakna a thawhho dan turte an rel a. Excise & Narcotics Department a thawkte chu mipui mimir tana harsatna siam thei ruihhlo ngaite zalen lutuka khawlai a an chet lohna turin a tul anga khawm tura ruat an ni bawk. 

September thla chhung khan Champhai District bikah Police-ten Narcotic Drugs & Psychotropic Substances Act, 1985 hnuaiah ruihhlo kaihhnawiha inhnamhnawih mi 25 manin, thubuai 19 an ziaklut a. Heroin kg 3 leh gram 282, Methamphetamine kg 74 leh gram 852, Alprazolam kg 4 leh gram 470, codein gram 1. 6 bakah ruihhlo phurh nana hman lirthei ke li nei pahnih leh lirthei ke pahnih nei pahnih man a ni bawk.

Hemi hun chhung vek hian Excise & Narcotics hnathawkte chuan ND&PS Act, 1985 hnuaiah ruihhlo kaihhnawiha inhnamhnawih mi 10 manin thubuai 8 an ziaklut a. Heroin kg 2 leh gram 772, Methamphetamine kg 42 leh gram 88 leh Ganja gram 29.9 leh ruihhlo phurh nana hman lirthei ke hnih nei pahnih an man bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »