Handholding Scheme Phase-I ah mi 181 te Loan pek an ni tawh; Dilna hun hawn leh mek a ni

Zonuna Kawlni /

Mizoram sawrkar Flagship Programme Bana Kaih (Handholding) Scheme Phase-I a Loan Component-ah dilna 11,439 lutin heng zinga dilna 702 hi pawm a ni tawh a, dilna pawm tawh zinga 181 hnenah Bank ten loan an pe tawh bawk.

Mizoram State Policy Coordination Committee (MSPCC) hotute sawi danin, Handholding Phase-I ah hian Aizawl District atangin Loan Component dilna 2,544 lutin District zingah dilna lut tamna ber a ni a, Aizawl District atanga dilna lut zinga 245 hi pawm niin dilna pawm tam berna District a ni bawk. Handholding Loan Component-ah hian Champhai District-a dilna lut 1748 zinga 55 pawm a ni a; Lawngtlai District-a dilna 1687 zinga 30 pawm niin Mamit District-a dilna 984 zinga 48, Lunglei District-a dilna lut 945 zinga 66, Siaha District-a dilna lut 881 zinga 34, Kolasib District-a dilna lut 880 zinga 74, Saitual District-a dilna lut 694 zinga 54, Serchhip District-a dilna lut 496 zinga 40, Khawzawl District-a dilna lut 443 zinga 33 leh Hnahthial District-a dilna lut 137 zinga 23-te chu pawm an ni bawk. 

Bana Kaih (Handholding) Scheme Phase-I hnuaia Loan Component dilna pawm tawh 702 zinga 181 hnenah hian Bank-ten Loan an pe tawh a; MRB-in Loan pe tam berin mi 135 hnenah an pe tawh a, SBI-in mi 37 leh Apex Bank-in mi 9 hnenah an pe tawh a; Bank 3-ten mi 181 hnena Loan an pek zawng zawng hi a vaiin cheng nuai 1,236 a tling tawh a ni.

Hetihlai hian Bana Kaih (Handholding) Scheme Phase-I atan dilna thehluh hun hawn leh mek a ni a, MSPCC Vice Chairman Dr. KC. Lalmalsawmzauva chuan “Handholding Scheme hi Loan Component leh CM Special Package-in kalpui a ni a, Phase-II ah hian Loan Component-ah dilna 34 a lut tawh a, CM Special Package-ah dilna 6,617 a lut tawh bawk,” tiin Phase-II bikah hian dil hun bituk a awm tawh loh thu leh engtik lai pawha dil theih a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »