PHC pahnih te tling thar leh

Ramchhunga sawrkar damdawi In tha bik tehnaah Mizoram-a Primary Health Centre (PHC) pahnih- Sialsuk PHC leh Suangpuilawn PHC te an tling thar leh a, heti hian Mizoram-a HWC-PHC 57 target awm zinga 36-in National NQAS certificate an nei tawh a ni. National Quality Assurance Standards (NQAS)-a tling thar Sialsuk PHC hian zaa 90.06 hmuin Suangpuilawn PHC hian zaa 93.14 an hmu a, heti hian Mizoram chhunga Sawrkar damdawi In 49 te chu NQAS National Certificate nei tawh an ni a. Tunah hian sawrkar damdawi In 18 leh HWC Sub-Centre 21-in State Level Certificate nei mekin National Certificate result nghak mek PHC 3 an la awm bawk.