Mizoram State University (MzSU) kalpuina tur tifel

Zonuna Kawlni /

Mizoram sawrkar chuan ‘Mizoram State University’ (MzSU) kalpuina tur College hrang hrang a tichhuak ta a, College paruk (6) hmangin Mizoram State University hi kalpui a ni ang.

Mizoram sawrkar in MzSU kalpuina tura a ruahman College te hi Govt. Aizawl West College, Govt. Aizawl College, Institute of Advanced Studies in Education (IASE), Govt. Zirtiri Residential Science College, Govt. Hrangbana College leh Mizoram Engineering College-te an ni a, hemi chungchanga sawrkar thuchhuah tarlan danin School of Social Sciences atan Govt. Aizawl West College hmangin hetah hian Applied History, Applied Psychology, Public Administration, Geography, Political Science leh Sociology-ah te Master Degree zir theih a ni anga, School of Humanities and Education atan Govt. Aizawl College leh IASE te hmangin English, Mizo, Education & Innovation, Ph. D, M.Ed leh B.Ed zirna te hawn a ni ang.

School of Sciences atan Govt. Zirtiri Residential Science College hmangin Mathematics, Sustainable Forest Management leh (Artificial Intelligence-ah master Degree zir theih a ni anga, School of Economics & Management-ah Govt. Hrangbana College hmangin MA (Economics and Public Policy), M.Com leh M.Sc (Data Analytics and Management) te a zir theih dawn a. School of Engineering & Technology atan Lunglei-a Mizoram Engineering College chu hmangin B. Tech (Civil Engineering) leh B. Tech (Computer Science & Engineering) te a zir theih bawk ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »