Mamit District-a kawngpui siam turin sawrkar phut

Zonuna Kawlni /

Mamit All NGO leh Commercial Vehicle Owners Association chuan Lengpui to Tuidam leh Mamit to Bairabi kawng chhia chu a rang lama siamtha turin sawrkar an ngen.

    Hemi chungchanga thuchhuah an siamah All NGO Mamit leh Commercial Vehicle Owners Association Mamit chuan Mamit District tana châk lâkna leh veivahna kawngpui – Lengpui to Tuidam leh Mamit to Bairabi te chu lirthei eng chi tan pawh kal hleih theih loh khawpa chhia chu pawi an tih thu an sawi a. Chhuanlam ho te te siam tawh lova a rang thei ang bera siam that anih theih nan Mizoram sawrkar chu hma la vat turin a ngen tih an tarlang a. Tun dinhmunah heng kawngpuiah te hian lirthei eng chi tan pawh kal a harsat tawh avangin ei leh bar leh nitin mamawh chawkluhna kawngah leh thlai thar hralhna kawngah Mamit District mipui ten harsatna nasa tak kan tawk mek tih an sawi a. Damlo hmunpui zawk pan ngaite pawhin harsatna tawkin nunna hlu tak chan mai thei dinhmunah an ding mêk a. Heng avangte hian Mizoram sawrkar chu October 12, 2025 hma ngeia an kawngpuite siamtha tura an phut thu an sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »