Kuthnathawktute buh leh bal leh thlai chin insurance tihsak a ni dawn - Agriculture Minister

Zonuna Kawlni /

Agriculture & Farmers' Welfare Department changtu Minister PC. Vanlalruata chuan kuthnathawktute buh leh bal leh thlai chin insurance tihsak a nih dawn thu a sawi a, Thingtam tuar mekte erawh chuan insurance hi a hmang tangkai hman dawn lo niin a sawi.

Akashvani Aizawl zawhna chhangin Agriculture & Farmers' Welfare Minister PC. Vanlalruata chuan 'Crop insurance' titu tura Tender koh a nih thu leh a chhang hniam ber chu Zirtawpni khan thlan fel a nih thu a sawi a. Insurance atana pawisa chawi ngai (premium) hi sawrkarin za zela 90 tum sakin kuthnathawktute'n za zela 10 an tum ve dawn niin a sawi a. Crop Insurance hi chinfel chhung hun a duh avangin kumin-a Sazu puangin an buh leh bal a ei chhiatsakte'n an hmang tangkai hman dawnin a lang lo tih a sawi a, chutih rualin Disaster Management & Rehabilitation Department-ah Thingtam avanga chhiatna leh tawrhna hi Mizoram chhunga chhiatna thleng bik, State Disaster Specific-a puang tura ngen a nih thu leh hei hi tihpuitlin a nih chuan Sazu puang avanga an buh leh bal leh thlai chantute chu tanpuina pek dan a awm theih a rinawm thu a sawi a ni.

Agriculture Minister chuan Rawthing tam avanga Sazu puang tirem tur hian Sazu Tur hmanga Sazu hrai leh Thang hmanga man hna thawh chhoh zel a nih thu a sawi bawk a. Khaw hrang hrang, Sazu puanna-ah te chuan Agriculture Department hnathawkte leh kuthnathawktu tangrualte chuan Sazu hrai hna an thawk mek reng a ni, a ti bawk.

Thingtam lo thlengah hian District 11-a khaw 130 vela loneitu mi 4,000 vel thlawhhma chu Sazu puangin a tichhe nasa hle a, Thlawhhma lakna ram hectare 6,869 chuanga hectare 1,737 chuangah Sazu hian buh leh thlai a seh a. Tai (buh thar rang) leh Buhpui an seh nasat ber laiin Vaimim, Fu, Behlawi, Sawhthing, Bawkbawn, Hmarcha, Mai, Chhawhchhi leh Fanghma te an tichhe tel bawk a. Sazu Tur hi Bromadiolone leh Zinc Phosphide te an hmang ber a, chuti chungin District thenkhatah chuan duh khawp hman tur a awm lo nia sawi a ni a. Hei bakah hian Sazu thahna atana Mizote'n an hman tlanglawn Thang chi hrang hrang - Vaithang, Mangkhawng leh Thangchep te hman a ni bawk a. Agriculture Department hnathawkte chuan Sazu-in an hriat theih loh nan Thang chi hrang hrangte hi hman thlak thin turin kuthnathawktute an zirtir a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »