Khawzawl-ah DTO Office thar hawn a ni

Zonuna Kawlni /

Transport Minister Vanlalhlana chuan nimin khan Khawzawl-ah District Transport Office (DTO) a hawng.

Khawzawl-a District Transport Office (DTO) hawnna hunah hian Transports Minister Vanlalhlana chuan Khawzawl-ah District Transport Office a ding ve ta chu lawmawm a tih thu leh a thlen theih nana thawk hah zawng zawngte chungah lawmthu a sawi a. DTO chu a hming maia hawn ni lovin changtlung taka hawn a nih thu a sawi a, DTO tangkaina te sawiin, Khawzawl mipui te'n a tangkai thei ang bera hmang turin a fuih bawk a. DTO hawn tak chu Khawzawl District-a lirthei khalhtute leh lirtheia hmanga eizawngtu te tan hmasawnna a nih ngei a beisei thu a sawi bawk a ni.

Transport Minister Vanlalhlana hian nimin vek khan Khawzawl-a KVK Training Hall Khawzawl-a Tomato chingtute hnenah an mamawh chi hrang hrang a semchhuak bawk a, he hun hi KVK Khawzawl-a Senior Scientist & Head Dr. Malsawmkimi chuan kaihruaiin Champhai leh Khawzawl District chhunga Tomato chingtu mi 555 aiawhin mi 120 an kal a, khaw hrang hrang 6-a Tomato Grower Association hruaitute pawh an tel bawk. Tun tuma Tomato chingtute hnena semchhuah te hi Arka citrus special, Arka vegetable special, Arka Microbial Consortium (Powder), Arka Microbial Consortium (Liquid), Arka Pongamia soap leh vegetable seed kit (mi 555 tan) te an ni a, a vaiin Rs. 17,26,860/- hu a ni a, heng zawng zawng hi ICAR-Indian Institute of Horticultural Research (IIHR) NEH Scheme hnuai atanga lo kal a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »