High School Sports-ah Govt. Thenzawl H/S Champion

Serchhip District High School Sports Meet 2025 chu nimin khan zawhfel niin Govt. Thenzawl H/S chu an Champion.
Tunkar Thawhlehni atanga Serchhip Sports Complex-a neih Serchhip District High School Sports Meet-2025 ah hian Serchhip District chhunga High School hrang hrang 22 telin kumin hian Chhingchhip atangin Sainik School chu an tel bawk a, infiamna chi hrang hrang hmanga inelna neiin hmun hrang hrangah intihsiakna hi neih a ni a, nimin khan zawhfel niin a pumpui-ah Govt. Thenzawl H/S chu Champion in Gold 6, Silver 3 leh Bronze 6, a vaiin Medal 15 an la a, Govt. Lallengvunga H/S Thenzawl chuan Gold 5, Silver 7 leh Bronze 5, a vaia Medal 17 lain Govt. JM H/S in Gold 4, Silver 4 leh Bronze 3, a vaia Medal 11 lain an dawt a ni.

Tun tumh hian Best Athlete (Boys) chu Gold Medal 3 latu Sadrak Vanlalchhanchhuaha (Govt. JM H/S Serchhip) chu niin Gold 5 latu Lalchhan-chhuahi (Govt. Lallengvunga H/S Thenzawl) chuBest Athlete (Girls) a ni bawk.