Zofate Thlahtu tobul chhuina lehkhabu tlangzarh

Nimin khan Zofate Thlahtu tobul chhuina lehkhabu, ‘Introduction to Zoram Thar Encyclopedia’ chu nimin khan tlangzarh a ni.

Lehkhabu tlangzarhna Inkhawm Aizawl-a Synod Conference Hall-a neih ah hian Lehkhabu ziaktu Zaichhawna Hlawndo chuan he lehkhabu hi Pathian Thlarau Thianghlim hriattirna a dawn leh uluk taka zir-chianna a neih atanga a ziah chhuah a nih thu a sawi a. Zofate chu kan thlahtu bul pawh hre lovin kum tam tak kan lo bo tawh nia sawiin, he a lehkhabu ziah hi Zofate hnama kan harhna tur dik tak kan hriatna atana khuhhawnna bu a nih thu leh Pathian thu zirmi leh mithiamte pawhin chipchiar leh uluk takin lo zir chhunzawm se a duh thu a sawi bawk a ni.

Mafeli Hlawndo kaihhruai he hunah hian Upa C. Lallunghnema chuan Lehkhabu thlirlawkna hun hmangin H. Lalhmingzami chuan he lehkhabu hi a tlangzarh. He lehkhabu hi Zofate China atanga kan chhuah dan ni lovin China a kan luh dan chhuina a ni a. ‘Bible-a Nova fapa Shema thlah kal zel Abrahama fapa Isaka, Isaka fapa Jakoba, Jakoba fapa Zosefa thlah te kan ni’ ti a chhuina a ni.