Zirtirtu tha chawimawina

Zonuna Kawlni (LENKAWL) • September 6, 2025 • Comments • Mizoram

President Droupati Murmu chuan nimin khan New Delhi-a Vigyan Bhawan-ah ramchhunga Zirtirtu tha chawimawina a hlan a, kumin hian Higher Education atangin mi 21, School Education atangin mi 45 leh Skill & Entrepreneurship atangin mi 15 ten chawimawina hi an dawng a ni. Nimin a chawimawina dawngtu zingah hian Mi-zoram atangin Mizoram University Department of Mizo-a Associate Professor & Head Dr. Zoramdinthara chu telin ‘National Award to Teacher for Higher Education 2025’ hlan a ni a, Silver Medal, Certificate leh Rs. 50,000/- a dawng a, India hmarchhak atanga he chawimawina dawng hmasa ber a ni. Dr. Zoramdinthara hian kum 2015 khan State NSS Award for Programme Officer leh Indira Gandhi NSS Award for Programme Officer chu kum 2016 khan India President Pranab Mukherjee hnen atangin a dawng tawh bawk a ni.