Tlang hrileng tuar nasat vangin Lunglei-ah School khar

Lunglei Serkawn-a Baptist English School (BES) chu an zirlaite zingah tunlai tlang hrileng a hluar avangin nimin khan khar a ni a, Civil Hospital Lunglei chuan vawiin khan New Building-ah BES naupang bik enkawlna tur ruahman sakin Thisen Sample an lak te ZMC lamah endik tura thawn tura ruahman a ni.

Baptist English School Principal C Lalawmpuii sawi danin an School-ah hian zirlai 1213 awmin Lunglei khawpui chhung Veng hrang hrang atanga kalkhawm an ni a, an damloh dan chu hritlang leh khawsik na tak te niin luak te pawh an awm a. Tunkar tir lam khan naupang damsam lo te chu Office-ah te la hrangin an nu leh pa te hruai haw tura Phone an nei thin a, Zirtirtu zingah damlo thenkhat chu an ruh te a na a, hetiang anih vang hian nimin leh Vawiin hian chawlh-ah an puang ta a ni.

Baptist English School hi Elementary School niin Class VIII thleng a awm a, tunkar Thawhtanni khan zirlai 325 chu damlohna avangin an kal thei lova, Thawhlehni-ah 445 an kallo a, Nilaini-ah zirlai 528 an kal lo leh a, Zirtirtu kal theilo leh nuam samlo engemaw zat an awm bawk a ni.