Siaha-a Sub-Hqrs. YMA hawn a ni

Zonuna Kawlni (LENKAWL) • September 6, 2025 • Comments • Mizoram

Nimin khan Siaha-ah Sub-Hqrs. YMA hawn niin heti hian Mizoram-ah Sub-Hqrs. YMA pakua (9) a ding ta a ni.

Sub-Hqrs. YMA Lunglei hnuaia awm Chhimtuipui Group YMA chu Sub-Hqrs. YMA-ah hlankai tum niin nimin khan Central YMA hmalakna in a hawnna hun hi buatsaih tum a ni a, he hun hmang tur hian Aizawl atangin Central YMA President Lalhmachhuana hovin hruaitu rual te Siaha-ah an kal a. Amaherawh chu Siaha-a tlawmngai pawl lian ber Mara Thyutlia Py (MTP) General Hqrs. chuan hei hi dodalin tun dinhmunah chuan Sub-Hqrs. YMA Siaha hi hawn rih loh nise an duh thu YMA hruaitute hi hrilhin, MTP member engemaw zat chu Chhimtuipui Group YMA Hall kawt-ah an pungkhawm bawk a. Hemi chungchangah hian MTP hruaitute leh YMA hruaitute hi inbe nghalin inbiakna an neih hnu nimin tlai dar 5:00 khan Sub-Hqrs. YMA Siaha chu hawn a ni ta a ni. Heti hian Aizawl-a Central YMA a awm bakah Mizoram District 9-ah Sub-Hqrs. YMA hi a ding ta a ni.