Serchhip-ah Lok Adalat thutkhawm neih leh a ni
Tun tuma Lok Adalat thutkhawm hi Serchhip District Court Building ah neih niin Bank-a pawisa puk kaihhnawih ah thubuai 27 ngaihtuah niin heng zinga panga (5) chu chingfelin Rs. 67,59,791/- hu a ni a. Heng bakah hian Civil case-ah thubuai 33 ngaihtuah niin heng zingah hian panga (5) bawk chinfel a ni a, a vaiin Rs. 12,86,145/- hu a ni bawk. Heti hian tun tuma Lok Adalat thutkhawm ah hian thubuai 60 putluh-a ngaihtuah niin thubuai 10-ah inremna siam a ni a, a vaiin Rs. 80,45,936/- hu a ni bawk.
Inrinni kha ‘National Lok Adalat Day’ anih angin Mizoram State Legal Service Authority Office, High Court Legal Services Committee, Gauhati High Court, Aizawl Bench leh District 8-ah National Lok Adalat hi neih a ni a. Lok Adalat Bench 22 siam niin thubuai lut zawng zawng 1710 ngaihtuah a ni a, heng zinga thubuai 165 chu chinfel nghal a ni bawk.
Chhan hrang hrang avanga thubuai nei, Court sang zawka thlenpui ngailo-a inremna siamna hmun, Lok Adalat hnuaia hian kumin chhungin thubuai 5976 a lut tawh a, thubuai remna hlut zawng chu Rs 30,05,87,837/- a tling tawh a. Mizoram State Legal Services Authority kaihruaina in nikum chhung khan Lok Adalat-ah hian thubuai 5718 lutin thubuai 689 chinfel a ni a, thubuai chinfel hlutzawng hi Rs. 24,23,91,687/- a tling bawk.