CSS hnuaia thawktu ten punkhawm an nei dawn

Mizoram sawrkar hnuaia CSS-a thawktu, All Mizoram CSS Employees Coordination Committee (AMCECC) te chuan sawrkar laka an thilphut nawr nan Vawiin hian hmun hrang hrangah Sit-in-protest an nei dawn a, Serchhip-ah pawh CSS a thawktute hian punkhawm neih an tum a ni.
Nimin lama AMCECC thuchhuah siamin a tarlan danin sawrkar laka an thilphut hrang hrangah sawrkar lam atanga eng thu mah an la dawn loh avangin an ruahmanna awmsa angin an kaltlang dawn tih an tarlang a. He an ruahmanna ang hian Sit-in-protest neih tur niin Aizawl bakah Sub-Hqrs. hrang hrangah he hun hi an hmang dawn a ni.

AMCECC Sub-Hqrs. Serchhip hruaitute chuan ruahman lawk ang hian Sit-in-protest hi Serchhip-ah pawh an neih dawn thu LENKAWL an hrilh a, Vawiin chawhma dar 10:30 hian Ser-chhip Town Hall kawt-ah hun an hman dawn thu leh an member te tel theuh tura hriattir an nih thu an sawi a ni.