Saitual District-a Sawhthing lei dan thlirho a ni

Zonuna Kawlni (LENKAWL) • September 16, 2025 • Comments • Mizoram

Saitual District-ah kumin February 20 atanga July thla tawp thleng khan Sawhthing kg. 47,54,681 hralh a ni.

Nimin khan Saitual-ah District Agricultural Marketing Committee chu a vawi 9-na atan District Bawrhsap Dr. Lalngura Tlau hovin an thukhawm a, he huna tarlan a nih danin Saitual District-ah hian Secondary Collection Centre pasarih (7) leh FPC pahnih (2) awmin kumin February 20 atanga July 31, 2025 thlenga Sawhthing hralh tawh zat chu kg. 47,54,681 niin hei hi Rs. 23,77,34,050/- man a ni a. Buyers hnena hralhna zat chu Rs. 4,15,89,307/- niin Sawrkarin Support Price a pek zat chu Rs. 19,61,44,743/- a ni a, hei hi 82.51% a ni.

He hunah hian DAMC Chairman Dr. Lalngura Tlau chuan Saitual District chu SCC-te leh Coordinator-te nena thawhhona a that avangin sawrkar sum pawh nuai 415 lai a hum (saved) a ni tih sawiin, rim taka thawkten an thawhrim rah dik taka an tel chu a lawmna tizualtu a ni tih a sawi a, sawrkar sum hmang hek lo zawnga theihtawp chhuah zel tura chahin, an hmalak zelna tura pawimawh te an sawiho nghal bawk a ni.