Rel Station thenfai hnatlang nei

BJP Mizoram chuan ‘Seva Pakhwada Program’ an hman mek denchhenin nimin khan Sairang Rel Station thenfai hnatlang an nei.

BJP Mizoram chuan hmasawnna hmel thar kan hmuh zawh hnu a Rail Station leh a chhehvela bawlhhlawh tam tak a awm nghal mai chu zialo an tih thu sawiin, “Hmasawnna hian a ken tel pawimawh tak chu Faina hi a ni a, hmasawnna thar kan hmu a, nimahsela nikhat thil thu ah Rel Station-a bawlhhlawh a tam nghal lutuk chuan inenfiah kan mamawh zia a tilang chiang hlein kan hria a ni,” an ti a. “Rêl rawn lut hi hmasawnna a ni a, Ramdang mi, khualzin te pawhin faina an ngaih pawimawh theih nana Rel Station-ah kan bawlhhlawh paih dan System pawh thuneitu lam te'n ngun zawka enpui vat a ngaiin a hriat a, Rel-a zin tur tualchhung mipuite leh State pawn leh ram pawn atanga Mizoram tlawh turte pawh faina ngai pawimawh turin kan ngen a, bawlhhlawh bawm ah chauh kan ei leh in na kawr ruak reng reng paih turin kan in chah a ni, inthiarna hmun leh Station vawnfai hi kan mawhphurna a ni tih hre theuh ang u,” a ti bawk.

BJP hian Rel Station tihfai hnatlang neih zawh hnu hian Sairang Rel Station bulah thingphun hnatlang neih nghal a ni bawk a ni.