Raltlan 432 chhinchhiah tawh
.jpg)
Kumin July ni 30 atanga Serchhip District chhunga Myanmar raltlan awm te chhinchhiah tura Biometric Enrolment kalpui mek chu chhunzawm zel a ni a, kar kalta khan Baktawng khua ah mi 43 leh Khumtung khua ah mi 5 te Biometric Enrolment tih leh niin heti hian tun thlengin Serchhip District-a khaw 16-ah raltlan mi 432 te chhinchhiah an ni tawh a ni.
Serchhip District chhunga Raltlan te an data lakkhawm hna kalpui hi a tira ruahman ang chuan tun thla ni 22 khian zawhfel tur a ni a, amaherawh chu khawl lama harsatna a awm avang leh sawrkar programme pawimawh avanga hun bituk a tih theih lohna khua te a awm avangin an zawhfel theih hun tur erawh hriat theih ala ni ta rih lo a ni. Ruahman lawk ang chuan Vawiin hian Thenzawl-ah Biometric Enrolment hi tih tur a ni a, Thenzawl-ah hian Bangladesh atanga raltlan rawn lut mi 266 an awm nia chhinchhiah a ni.