Rajya Sabha MP in Sairang Rel Station a tlawh

Rajya Sabha MP K. Vanlalvena chuan nimin khan Sairang Rel Station tlawhin Rel Service chu changtlung zawka kalpui tur leh mipuiin an chhawr tangkai theihna tura theihtawp chhuah turin thawktute a ngen.

Mizoram Rajya Sabha K. Vanlalvena hian tuna Rel Service mek Sairang atanga Guwahati kal leh Sairang atanga Kolkata kal bakah Sairang atanga Delhi chu awm mahse hei aia tam awm belh se an duh thu Station thuneitute a sawipui a, mipui mamawh phuhruk nan Sairang atanga Silchar kal chu ni tin lehlang awm thin se a duh thu sawiin, Railway thuneitute pawhin awm an tih thu an lo sawi a, Guwahati-a North East Frontier Railways General Manager sawipui tura an lo ngenna chu lo bawhzuipui a tum thu a hrilh nghal bawk. Rajya Sabha MP hian Sairang-a Rel Service hi Diesel Train ala ni rih chu Electric train a nih vat theih nana chak taka hma la tura hrilhin, thla 6 chhunga peih hman an tum thu an sawi bawk.

Prime Minister Narendra Modi an September ni 13-a a hawn tak Mizoram atanga Rel Service hi tun dinhmunah pathum a awm mek a, Union Railway Minister Ashwini Vaishnaw sawi danin bungraw phur Rel a awm nghal dawn bakah hetah hian Rfrigerated Coach pawh a awm dawn a ni.