Piang leh thi dinhmun

Kumin January atanga April thla chhung khan Mizoram-ah thla tin naupiang 1,827 leh mitthi 700 zel awm anga chhut a ni. Mizoram sawrkara Economics & Statistics Department-in ‘Mizoram Monthly Vital Report of Births and Deaths 2025’ a tarlan tawh chinah, kumin January leh April thla chhung khan Mizoram-a District 11-ah nau piang 7,307 an awm a, heng te hi mipa 3,710 leh hmei-chhia 3,597 an ni a, chawhrualin thla tin nau piang 1,827 an awm ang a ni. Kumin January atanga April thla chhung vek khan District 11-ah mitthi 2,801 chhinchhiah a ni bawk a; heng te hi mipa 1,816 leh hmeichhia 985 niin thla tin mi 700 thi zel anga chhut theih a ni bawk. Kumin-a thla 4 chhung report a neih chinah hian kum khat (1) hnuailam thi 86, kum 1-5 inkar thi 13 leh thisa-a piang 34 an awm bawk a ni.