EMRS Sports neih tan a ni

Mizoram Eklavya Model Residential School (EMRS) State Level Sports Meet chu nimin khan Mualpui-a RG Stadium-ah neih tan a ni a, he Sports Meet-ah hian Mizoram hmun hrang hranga EMRS 11 atangin naupang 330 leh zirtirtu 33 telin Sports discipline- Football, Taekwando, Judo, Boxing, Wrestling, Table Tennis, Badminton leh Athletics-ah te inelna an nei dawn a ni. Eklavya Model Residential School hi Ministry of Tribal Affairs hnuaiah National Education Society for Tribal Students (NESTS) in a enkawl a, Mizoram-ah chuan Mizoram EMRS Society hi Planning & Programme Implementation Department hnuaiah a awm mek a. He Scheme kaltlang hian India ramchhunga Tribal naupang zawng zawngte tan zirna a thlawn vekin pek an ni a, School te hi CBSE hnuaia affiliation tih niin, pawl 6 atanga 12 (Arts, Science & Commerce) thleng zir theihna a ni. Tun dinhmunah Mizoram-ah EMRS 11 awmin, RD Block 5-ah hawn belh leh tura hmalak mek a ni.