NaMo Yuva Run neih a ni

BJP Mizoram buatsaih ruihhlo do nana intlansiak 'NaMo Yuva Run' chu Inrinni zing khan Aizawl-ah neih a ni a, Palak Bialtu MLA K. Hrahmo chuan Bawngkawn Traffic Point atangin a vailiam a, Aizawl Lammual-ah a kharna hun hman a ni. He Intlansiak ah hian mi 251 in hming an pe a, Lalhmunmawia, Mualpui Veng chu pakhatna niin lawmman ah Medal Rs. 10,000/- a dawng a, TC. Lalnunsanga, Rulchawm leh Lalkaisanga, Lawngtlai ten an dawt a ni. 'NaMo Yuva Run' kharna inkhawm Lammual-a neih ah BJP President Dr. K. Beichhua chuan thu a sawi bawk a ni.