Lunglei leh Tlabung inkar kawng siam mek zel a ni

Lunglei atanga Tlabung panna kawngpui, National Highway-302 laihzauh leh siamthat hna thawh mekah kawng sial hna za zela 62 vel thawh a nih tawh laiin hmun tam takah Fur ruahtui tla avangin hna chawlhsan lailawk a ni thung.

Cheng vbc. 1439 senna tur Lunglei atanga India leh Bangladesh inrina, Tlabung thleng pawh tur National Highway-302 laihzauh leh siamthat hna hi hlawm hnih ah then niin Lunglei atanga Chhumkhum leh Chhumkhum atanga Tlabung thleng te a ni a, Tlabung leh Chhumkhum inkarah hian hna thawh tur za zela 61 zawhfel ni tawhin Lunglei leh Chhumkhum inkar ah hian za zela 64 vel thawh zawh a ni tawh bawk.

He kawngpui siam hna hi hmun tam takah thawh ni tawhin mipui veivak leh lirthei te pawhin harsatna an tawh thin tam tak chu sutkian a ni tawh a, Fur ruahtui tla avangin hmun tam takah kawng siam hna hi chawlhsan lailawk a ni a, Lunglei Sazaikawn leh Hauruang bikah erawh a remchan angin kawng sial hna hi thawh mek zel a ni a, hei vang hian lirthei veivakte tan helai paltlang theih hun pawh a hranpaa hawn leh tan a ni bawk.