Japan tawng zirna sawipui

Zonuna Kawlni (LENKAWL) • September 19, 2025 • Comments • Mizoram

Mizoram Youth Commission (MYC) Chairman Malsawmzuala Ralte chuan National Skill Development Corporation International (NSDCI) a Chief Executive Officer, Alok Kumar chu nimin khan New Delhi-a NSDCI Office-ah kawmin MYC Office, Aizawl-a Japan tawng zirna hawng turin a ngen a, Classroom tur remchang a awm sa a, thalai tam tak zir tur an awm theih dawn thu a sawi a. Alok Kumara hian a thlawp thu leh a Team te Aizawl-ah a rang lamin an zin tur thu sawiin, hmalak zui dan tur sawiho a nih tur thuin a chhang a ni. NSDCI nen thawkho in Mizo thalai, Japan-a hna thawk turte chu Noida-ah Japan tawng zirtir thin an ni.