Hnahthial-ah Land Committee thutkhawm nei

Nimin khan Hnahthial-ah Land Committee chu thukhawmin House Pass leh Periodic Patta dilna lut hrang hrangte an sawiho.

He thutkhawm Hnahthial DC Meeting Hall-a neih kaihruaitu District Bawrhsap, K. Vanlalruati chuan Hnahthial-ah Revenue & Settlement Department hawn a nih tawh thu leh District mipuite mamawhna hrang hrang phuhruk tura theihtawp chhuah a nih thu sawiin, tunhnaia sawrkar Order tihchhuah tharah Additional DC, Zothanmawia Khiangte chu Settlement Officer (SO) turin a rawn ruat thu a sawi a. Tun tum thutkhawm ah hian House Pass (LSC) dilna panga (5) leh Periodic Patta dilna sawmli (40), a vaia dilna lut 45 ngaihtuah a nih tur thu leh Land Committee in a pawmpuite hi Directorate of Revenue & Settlement Department lamah an recommend ve leh dawn tih a sawi bawk.

He hunah hian Settlement Officer Esther Leihang chuan kumin August leh September thla chhungin LSC 40)an issue tawh thu leh LSC issue tura siamfel tawh 17 a awm mek thu a sawi a. House Pass pathum leh Periodic Patta 27 issue an nih thu a sawi bawk. Tax leh Non-Tax atangin Rs. 1,86,756 an lakluh chu Directorate-ah chhunluh a ni tawh a, tunah hian Hnahthial-ah Tax khawn thei turin training neih mek a nih tawh bakah Hnahthial District Revenue Office hawng tura hmalak mek a nih thu a sawi bawk.