Helmet chungchang ah hriattirna tichhuak
Hemi chungchanga tunhnaia thuchhuah a siamah Serchhip SP Gavit Gogna chuan Serchhip Town chhungah Helmet khum lova Two Wheeler khalh leh dan phal loh Helmet khum an tam hle tih hriat a nih thu tarlangin, sawrkar laipui-a Ministry of Road Transport & Highways lehkha te, Supreme Court Committee on Road Safety lehkha leh Mizoram sawrkar lehkha bakah Section 129 of the Motor Vehicles Act, 1988-in a sawi angin, Two Wheeler khalhtu ten Helmet (Protective Headgear) him leh rintlak, ISI mark chuang emaw, Bureau of Indian Standards(BSI)-in a pawm chin leh a tlukpui Helmet tha leh him chin chauh khum tur a ni tih a tarlang a. ‘Satel Helmet’ kan tih mai te pawh Bureau of Indian Standards phal loh a nih avangin khum loh tur a ni tih a tarlang.
Serchhip SP thuchhuah chuan Helmet chungchang ah hian Notification tihchhuah a nih tur thu pawh tarlangin, chumi hun a thlen hma chuan Two Wheeler khalhtu te lo inbuatsaih vek turin a hriattir a. “Dan bawhchhia a, dan zawmlo leh tilui an awm chuan Motor Vehicles Act, 1989, Section 194D angin Rs. 1,000/- chawitir leh Driving License pawh thla thum (3) hren sak a hrem theih an ni anga, dan an bawhchhe nawn a nih chuan a aia sang zawka hrem an ni ang,” tiin a tarlang bawk a ni.