District Hospital RKS Governing Body thutkhawm nei
Serchhip Bawrhsap Pisa-a thut-khawm ah hian Serchhip District Medical Superintendent Dr. ZD. Lalmuanawma chuan Serchhip Hospital dinhmun tlangpui sawiin, building sak meka an thlen chin te, tuna an luah mek Hospital Building dinhmun tlangpui leh Rogi Kalyan Samittee (RKS) hnuaia an hmalakna hrang hrang te a sawi a. Chairman Paul L.Khuma chuan member kalkhawmte lawmna thu a sawi bawk.
He thutkhawm a tarlan a nih danin Ser-chhip District Hospital-ah hian damlo thisen test-na chi hrang hrang neih niin District dangte nena khaikhinin an rate te hi a hniam hle a. Executive Meeting-ah hian heng rate hman mek te hi chhawp-chhuah niin uluk taka sawiho a nih hnuah Complete Blood Count (CBC) endikna rate chauh thlak danglam a ni a; hei hi Rs.100 atangin Rs.150 ah tihsan an remti a. Rate dang erawh a ngaia hman chhunzawm tur a ni ang.
Comprehensive Maintenence Contract for Laboratory services chungchang sawiho niin hemi atana sum mamawh zat an thlen chu Committee hian a pawm a. Serchhip District Hospital rawng hnawih that chungchang rawtna chu pawm a ni bawk.