District Institute of Education and Training (DIET) Serchhip in ‘District Innovation Competition 2025’ an buatsaih result puanna leh lawmman semna chu Zirtawpni khan DIET Multipurpose Hall, Serchhip-ah neih a ni a, he intihsiakna ah hian Serchhip District chhunga Middle School leh Primary School te chu School angin emaw, mimal angin emaw tel tura sawm niin midangte aia an School in naupang zirtirna kawnga an tih that bik te Video siama thehluh tir an ni a. Heng te hi Aug. 25 khan thehlut felin endik a nih hnuah lawmman hi sem niin PES Baktawng chu pakhatna an ni a, Govt. Chhiahtlang M/S leh Zoremmawia, Teacher Vanchengte M/S ten an dawt a. Heng bakah hian midang paruk (6) te Consolation Prize pek an ni bawk.
