CSS hnuaia thawktu ten Vawiin atangin chawlh lak tum

All Mizoram CSS Employees Coordintion Committee (AMCECC) ten Vawiin atanga Mass Casual Leave lak an tum chu AMCECC Sub-Hqrs. Serchhip te pawhin zawm an tum tih an sawi.
Nimin a thuchhuah an siamah AMCECC Sub-Hqrs. Serchhip chuan AMCECC-in Regularisation of CSS Employee Scheme, 2024 chungchanga Sawrkara an thu thlente chu tun thlenga hmasawnna hmuh tur a la awm loh avang leh tunhnaia Health Worker dahngheh chungchangah AMCECC Hqrs. General body Meeting in September 9 - 11, 2025 hian Mass Casual Leave (MCL) lak nise an tih thu AMCECC Sub-Hqrs. Serchhip chuan theihtawp in an zawm tur thu an sawi a. Association leh Deparment hrang hranga CSS Employee zawng zawngte chu mahni awm hmunah lo zawm theuh tura hriatirin, “Mahni Association/Office theuhah Mass Casual Leave a hlawhtlin theih nan theih-tawpa hmala turin kan in ngen a ni,” an ti.

Hei bakah hian AMCECC Sub-Hqrs. Serchhip chuan Mass Casual Leave an lak hun chhung hian tumah mahni hnaah kal loh tur a nih thu te; Mass Casual Leave an lak avanga harsatna tawk an awm a nih chuan hruaitute hnenah hriattir zel tur a nih thu te; Vawiin chawhma dar 10:30 hian Information Centre atana an hman Serchhip AOC Veng-a Lalramnghaki Ralte te In-ah Committee Member chu chhuahkhawm tur a nih pawh an sawi bawk a ni.