Bangladesh atanga raltlan rawn lut chhinchhiah tan

Serchhip District-a raltlan rawn lut te chhinchhiah hna kalpui mekah nimin khan Bangladesh atanga raltlan rawn lut te chhinchhiah hna chu kalpui tan a ni.
July 30 atanga Serchhip District chhunga Myanmar raltlan rawn lut te chhinchhiah tura Biomentric Enrolment kalpui mek chu rua-hman lawk anga kalpui niin nimin khan Thenzawl East VC-ah mi 56 chhinchhiah leh a ni a, hemi rual hian Thenzawl East-a Bangladesh atanga raltlan rawn lut te pawh Biometric Enrolment hi tih sak nghal niin nimin khan mi 17 te data chu lak a ni a, heti hian nimin bikah raltlan mi 73 te chu Biometric Enrolment tih sak an ni.

Heti hian nimin thleng khan Serchhip District-ah Myanmar atanga raltlan rawn lut mi 488 te Biometric Enrolment tih sak niin Bang-ladesh atanga raltlan mi 17 te tih sak an ni tawh bawk a, Serchhip District-ah hian raltlan awm mek mi 505 te chu Biometric Enrolment tih sak an ni tawh a. Ruahman lawk ang chuan karleh lamah Thenzawl South-ah chhunzawm leh tur a ni ang.