CMS School a pangngai in kalpui leh tan a ni
Kumin May thla a ruahsur nasa leh leimin ah khan Serchhip Dinthar Veng-a CMS hi an kawm-thlang nasa taka min in Room thenkhat chu luah zui hlauhawm takin a awm a. Room thenkhat luah zui theih a nih loh avang hian Room awm ang ang ah Primary Section leh Middle Section te hi chawhma lam leh chawhnu lamah an inkal chhawk thin a. Thla thum (3) vel zet hetianga Class kalpui a nih hnu hian Serchhip Chhim Veng-a Modern M/S ah nimin atang khan Middle Section te chu an kal tan ta a, Primary Section te an School hmun pangngai ah kalin Middle Section nen hian dan pangngai in nileng in Class an kal leh ta a ni.
Tarlan tawh angin Serchhip Chhim Veng a Modern M/S hi zirlai an awm loh avangin hun engemaw chen chu zirna kalpui lovin School hi khar a ni tawh a, a Building pawh chhungkaw thenkhat ten man chawiin an luah a. Heng zinga thenkhat te chu chhuakin CMS hian an hmang ta a. Tunah hian Class V ,VI ,VII leh VIII tan Room pakhat theuh hmangin Room pakhat chu Office atan hman a ni bawk a. Chaw chhumna leh inthiarna te pawh hman a ni bawk. CMS-a Middle Section hi Adhoc School niin Class V atanga VIII-ah zirlai 183 an awm mek a ni.