A huho in chawlh la zui leh

All Mizoram CSS Employee Coordination Committee (AMCECC) chuan sawrkar laka an thilphut hrang hrang nawrna atana ni thum chhung Mass Casual Leave lak an tum chu nimin khan a ni hnihna atan an chhunzawm leh a, a hma ni ang bawkin sawrkar Pisa hrang hrangah hna a khaihlak nasa leh hle a ni. AMCECC chuan nimin khan thuchhuah siamin Masa Casual Leave an lak hi Vawiin-ah pawh chhunzawm an tum thu leh hemi chhunga Sawrkar atanga thu lawmawm emaw, an lungawina khawp thu dawn a awm loh chuan an kal zel dan tur an ngaihtuah leh dawn tih an sawi a. Tun thlengin Sawrkar atangin inbiakna a la awmlo tih an sawi bawk.