Zeng hri danna pe leh dawn

Kumin October 14 khian Mizoram-a District pali-ah Zeng hri danna pek beihpui thlak a ni leh dawn.

Nimin khan State Task Force on Immunization (STFI) chu Aizawl-a SAD Conference Hall-ah thukhawmin kumin October thla a Pulse-Polio Sub-National Immunization Day (SNID) neih tur chungchang hi an sawiho a, he hunah hian India ram chu kum 2014 atangin Zeng hri awm tawh lohna, Polio-Free Country-a puan ni tawh mah se, kan thenawm ramah te Zeng hri hi hmuhchhuah leh thin a nih avang leh mipui kan intlawhpawh nasat tawh avangin kan him tawh kan intih rualin kan dinhmun hi a la der-thawng reng tih tarlan a ni a, hei vang hian SNID hi kumin October ni 14 hian neih leh tur a nih thu leh Mizoram pum huap ni lovin International borders nei District pali – Lunglei, Siaha, Cham-phai leh Lawngtlai-ah te neih a ni dawn a ni.

Pulse-Polio vaccine hi naupang kum nga (5) chin hnuailam pek tur a ni a, hemi atan hian inbuatsaihna hrang hrang kalpui mek niin Oct. 14 khian hmun ruat bikah vaccine pek runpui neih a ni anga, a hnu Oct. ni 15 leh 16-ah vaccine la lo te vaiin House to House activity neih a ni ang a, October ni 21,2025-ah zawhfel vek tur niin nimin-a thutkhawm ah hian vaccine pek kawngah a bik takin hmun kilkhawr leh harsa zawkah te harsatna an tawh thin dan te sawiho a ni.