Vice President thlanna atan hriattirna tichhuak

Thla thar September 9-a India Vice President thlanna neih tur atan nimin khan Election Commission of India chuan hriattirna a tichhuak a, hriattirna tichhuah a tarlan a nih danin he inthlan chuh tumte tan hian tun thla, August 21 thlengin hming pekluh theih a ni anga, heng hming pekluh te hi a tuk, August 22-ah enfiahin tun thla ni 25 thlengin inhnuhdawhna hun hawn leh a ni anga, thla thar September 9-ah zing dar 10:00 leh tlai dar 5:00 inkarah Vote thlak a ni dawn a, Parliament House First Floor-ah Vote hi thlak a ni anga, Vote thla te hi chhiar nghal tur a ni ang.

He inthlanna chuh tumte tan hian August 21, 2025 aia tlai lovah sawrkar Pisa chawlh ni tiam lovin zing dar 11:00 atanga tlai dar 3:00 thlengin Nomination Paper hi he inthlanna a RO hnenah thehluh theih a ni anga, inthlan chuh tum te hian Security Deposit, Rs 15,000/- chu sumfai in emaw an thehluh tel a ngai dawn a ni.