Vawiin atangin Zirlaite School-ah kal tan leh dawn
Chhiahtlang Senior Secondary School-a Principal Inchar ruat chungchang ah hian Chhiahtlang-a MZP leh MSU bakah zirlai nu leh pa te hian Joint Meeting neiin Explanation Call pawh awm miah lova Principal Incharge thlak a ni chu hun kal zel turah School tan leh Charge la leh zel tur tan pawh a tha dawn lo nia hriain tunkar Thawhtanni, August 11, 2025 atang khan zirlai nu leh pa te chuan an fate School kaltir duh lovin Principal mawhphurhna chelh mektu chu thlak an duh lo tih an sawi a. Zirlaite hi ni hnih (2) chhung School kal lovin nimin khan Samagra Shiksha Mizoram-a State Project Director (SPD) C. Lal-thanzira chu a hmunah rawn kalin lungawi lohna lantir mektu zirlai nu leh pa te hi a kawm a. An fate chu School kaltir pawh tura ngenin, an thilphut te pawh ngaihtuah zui a nih tur thu a sawi a. Zirlai nu leh pa te pawhin an harsatna chu tun thla chhunga chingfel tura tiin, Vawiin, August 13, 2025 atang hian an fate pawh School kal chhunzawm tir leh an remti nia thudawn a ni.