Session lo awm turah Official Resolution lut tawh

Tun thla ni 27 atanga tan tur Mizoram Legislative Assembly Fur thutkhawm a putluh turin Official Resolution pakhat a lut tawh.

Assembly Secretariat atanga thudawn danin Assembly Fur thutkhawm a Official Resolution putluh tur hi Environment, Forests & Climate Change Department atanga lut, a changtu Minister Lalthansanga putluh tur a ni a. Zirtawpni thleng kha chuan zawhna lut a la awm lova, sawrkar lam atangin Dan thar siam tur emaw, Dan dinglai siamthat tur duan lawk emaw thehluh a la awm lo bawk.

Assembly inkhawm rei zawng tur leh hun hman dan tur hi August ni 6-a Business Advisory Committee (BAC) thukhawmin an rel dawn a, BAC hi Assembly Speaker Lalbiakzama kaihhruai niin Parliamentary Affairs Minister bakah Legislature Party tin aiawhte chu Member an ni a. Eptu party-te chuan Assembly Inkhawm lo awm turah hian Mizoram chak lakna kawngpui chhe lutuk te, GST khawn tlahniam zelte, thilman sang zel te leh Aizawl khawpui Thenzawl-a sawn tum chungchangte auchhuahpui an tum thu an sawi a ni.