Serchhip-ah I-Day puala Tennis inelna khelh zawh a ni
August 9 atanga Serchhip P&E Veng, Leisekawt Tennis Court-a khelh Independence Day Tennis Tournament hi nimin chawhnu khan Final khelh niin Men's Singles-ah Roluahpuia (THETA) chuan a khingpui K. Vanlalawmawia (SDTA) chu 7-6, 6-3 a hnehin a Champion a, 45+ Singles-ah S. Lalrintluanga (SDTA) chuan C. Lalrinngheta (THETA) chu 8-5 a hnehin a Champion bawk. Men's Doubles-ah C. Lalrinngheta leh Roluahpuia (THETA) te tangdun chuan Jonathan Lalnunsiama leh K. Vanlalawmawia (SDTA) te tangdun chu 8-6 a hneha Champion in Junior-ah player pali telin an inkhelh kual vek hnuah point hmu sang ber David Lalhlupuia (SDTA) chu Champion in Lal-chhanchhuaha Sailo (SDTA) chu pahnihna a ni.
Tun tum Tournament-ah hian Category 4-ah inelna neih niin Men's Singles-ah Player 15, Men's Doubles-ah Pair 9 (mi 18), 45+ Singles-ah player 8 leh Junior-ah Player 4 an tel a, heng te hi Serchhip District Tennis Association (SDTA) atangin mi 15, Chhuanthar Tennis Club (CTC) atangin pali leh Thenzawl Tennis Association (THETA) atangin pahnih te an ni.