Rotary Club Aizawl hruaitu thutiam lak tirna neih a ni

Rotary Club Aizawl, Rotary International District-3240 hruaitu tharte thutiam laktirna leh Member thar lawmluhna hun chu nimin khan hman niin Minister Prof. Lalnilawma chuan a hmanpui a ni.

Aijal Club-a RB McCabe Hall-a he hun hman ah hian Prof. Lalnilawma chuan midangte rawng bawlsak hna chu hna ropui berte zinga mi a nih thu sawiin, miharsate tana Rotary Club-te an luang-chhuak thin chu fakawm a tih thu a sawi a. Khawvel tihrehawmtu harsatna hrang hrangte sukiang tura Rotary Club te hnathawh chu fakawm a tih thu sawiin, khawvel nuam leh tha zawk siam tura thawk zel turin a fuih bawk.

Rotary Club hruaitute hi kumtin thlan thar thin niin kum 2025-2026 Rotary year chhung atana President chu Anup Chhetry niin Zoe Lalrinpuii John chu Vice President a ni a, hemi rual hian Member thar 6 lawmluh nghal an ni.     

Rotary Club hi khawvel pum huap inzawm-khawm pawl niin khawtlang thatna, hriselna, nun dan tha inzirtirnate leh khawvela remna leh muanna a awm theih nan te a thawktu pawl an ni a,  ‘Service Above Self’ tih chu an thupui niin Mizoram-ah pawh kum 1992 khan din a ni.