RD hnuaia hmalakna hrang hrang VC te sawipui

Serchhip DRDO Project Director Dr. Mal-sawmtluanga Fanchun chuan Zirtawpni khan a Pisa-ah Serchhip District VC Association leh Serchhip Town Joint VC hruaitute kawmin, Rural Development Programme hrang hranga hmalak dan tur a sawipui.
DRDO Project Director chuan MGNREGA-ah sawrkar laipuiin ruahmanna thar a rawn duang nual tih VC te hnehna hian sawiin, VC te chu tan lo la sauh sauh turin a ngen a, mipui inhlawh dan endikna tura duan NMMS chu felfai taka kalpui a nih theih nan VC te leh Official te tan mar a tul thu a sawi bawk. Heng bakah hian PMAY (G) hmanga In sak tanpuina pawh chak zawka hmalak a ngaih thu sawiin, VC te chu an huamchhunga In sak tanpuina dawngte chu lo vil zui hram turin a ngen bawk a ni.

He inkawmhonaah hian DRDO Official te bakah Serchhip District VC Association leh Serchhip Town Joint VC Office Bearer te an tel a. Rural Development Department hnuaia hmalakna hrang hrangte an sawiho bawk a ni.