RD Block neih theih nan tawngtaina hun hmang

Lawngtlai District Vathuampui khua ah Rural Development (RD) Block an neih theihna turin nimin khan Pathian hnenah khawtlang huapin tawngtaina neih a ni.

    Nimin-a khawtlang huapa tawngtaihona Kanan Veng YMA Hall-a neih hi  RD Block Demand Committee Vathuampui-a Chairman Upa CK. Sanga chuan kaihruaiin, Kohhran hruaitute kaihhruaina in tum li an tawngtai a, Rural Development Block an neih theih nana hmalakna kalpui tawh dan te sawilan a ni bawk. Rural Development Block Demand Committee, Vathuampui te hian kum 2000 atang tawh khan Vathuampui Block hawn a nih theih nan State Sawrkar-ah ngenna vawi engemaw zat an lo thlen tawh a, a hunlai angzelin Sawrkar inthlak chhoh ah pawh RD Block an dilna hi chawlhsan lovin a theih ang angin an bawhzui chho zel a, tuna ZPM Sawrkar-ah pawh helai bial-in hmasawnna nasa zawk an neih theih beiseiin RD Block hi dil chhunzawm nise tiin an thiltih hi tluang taka an kalpui theih nan tawngtaina hun hi an hmang a ni.