President at Home-a tel tura sawm ah Mizo nula tel

India President-in kumin Independence Day lawmna neih tura President at Home a tel tura a sawm bik mi 150 zingah Mizo nula, Grace Lalrinpari Hauzel chu a tel a, President sawmna hi nimin khan India Post Office Aizawl-te chuan a chenna In, Khatla-ah an hlan a ni. Grace Lalrinpari Hauzel hian kumin January thla khan Viksit Bharata Young Leaders Dialogue 2025, New Delhi-a neihah Youth Representative of India thlan zingah a tel tawh a, Mizoram District 11 atanga State Level National Youth Parliament 2024 intihsiakah lawmman pakhatna la tawh bawk a ni.