Airport hlan chungchang bawhzui tha lo niin sawi

Lengpui Airport Forum chuan Airport Authority of India (AAI) kuta Lengpui Airport hlan tur chungchangah, RTI hmanga zawhna chhanna atangin bawhzuina tak tak a awm lo tih an tarlang.

    RTI hmanga zawhna Mizoram sawrkar GAD Aviation Wing-in July ni 7, 2025-a a chhanna atangin AAI kuta Lengpui Airport hlan chung-chang chu bawhzuina tak tak a la awm lo tih hriat a nih thu tarlangin, Lengpui Airport tha, changtlung leh him neih thuai a nih theih nan sawrkar chu hma la thuai turin an ngen tih an tarlang a. Nimin-a thuchhuah an siamah Lengpui Airport Forum chuan Union Home Secretary-in Mizoram Chief Secretary hnenah proposal submit turin lehkha a thawn tawh tih NGO Coordination Committee-te a hrilh thu tarlangin, Mizoram sawrkar chu hemi ang hian proposal chu Secretary, Ministry of Civil Aviation-ah thawn thuai turin an ngen tih an tarlang a, Mizoram sawrkar chu Draft Agreement proposal, sawrkar laipui Ministry of Civil Aviation-ah emaw, Chairman AAI-ah emaw thawn vat tura ngen bawkin, Lengpui Airport tichangtlung theitu ber tur AAI kutah hlan thuai chu a that ber thu an tarlang bawk.