MPL thubuai ngaihtuah leh

Mizoram Polytechnic Lunglei (MPL) ram luah man bat chungchang thubuai-a Mizoram sawrkar zualkona chu Supreme Court chuan ngaihtuahin thu delhkilh neiin High Court-a ngaihtuah leh a remti a, Supreme Court chuan hemi chungchanga High Court thutlukna chu a dikohna an hmu lo tih sawiin, Advocate General in a ngenna angin hun pek belh rem a ti a, High Court-a MPL ram thubuai ngaihtuah a nih hmaa hmalak dan tur a tarlang a, Mizoram sawrkar chu High Court Registrar hnenah ram luah man cheng nuai 88.14 pe tura hriattirin he pawisa atanga za zela 25, Rs. 22,03,500/- chu ram neitu hnenah thu delhkilh awm lova pek tur a ni anga, a dang za zela 75, Rs. 66,10,500 chu High Court in a pung tam ber chiin Nationalized Bank-ah a dah anga, District Court thutlukna chu High Court in a nemnghet a nih chuan a pung nen ram neitu hnena pek tur a ni ang.

Supreme Court chuan MPL ram luah man chungchang thubuaia District Court thutlukna chu a hunchhunga Mizoram sawrkar in High Court-a a khin loh chhan chhui chianga a mawhphurtu Official chhuichhuak turin Mizoram Chief Secretary a hriattir bawk a. Hemi kaihhnawiha ram neitu laka signature lem hmanna thubuai chu a tihtawp sak bawk a ni.