Mizoram in kumin chhungin ruahtui a dawng tha

Kumin January thla atanga July thla inkar khan Mizoram chuan ruahtui a dawng tha a, District hrang hrang zingah Kolasib chuan ruahtui hi dawng tha berin, tunhnai thla sarih chhung hian ruahtui 1758.6mm a dawng a ni.

Indian Meterological Department, Aizawl Director Sudheer Kumar Dwivedi chuan Kolasib dawtah hian Aizawl leh Siaha District te chuan ruahtui an dawng tha zual niin a sawi a, nikum aiin ruahtui an dawng tha zawk a ni. Khaw awmdan thlir chuan August leh September thla ah hian ruahtui a la tlak belh nual turah an ngai bawk. Hetihlai hian Champhai leh Mamit District te erawh chuan nikum nena khaikhin chuan ruahtui hi an dawng tha tawk lo deuh thung a ni.

Sudheer Kumar Dwivedi chuan ruahtui tlak chungchang leh khaw chin mipui hnena puan chhuah chungchangah All India Radio chuan mawhphurhna pawimawh tak a la nia sawiin, mipui himna leh thu pawimawh tak tak hriattirtu a ni tih a sawi bawk.