Mipui mimir leh tlawmngai pawl thlawpna tel lovin District Administration kenkawh theih a ni lo tih sawi
Mizoram sawrkar Tourism Department-in ‘Narrating Mizoram: Tales of Our Land’ tih thupui hmanga tun thla ni 8-a rampum huap thawnthu insawisiak a buatsaih tura Serchhip District aiawhtu tur thlanna atan nimin khan Serchhip DC Pisapui Hall-ah Serchhip District huap thawnthu insawisiak neih a ni a, he hun a hmanpuina ah hian Bawrhsap Paul L. Khuma chuan Tourist te kan District-ah lo kal ta se, engtin nge kan hruai kual anga, engtin nge a hmunhma chanchin kan hrilhfiah ang tih ngaihtuahna atanga he inelna hi lo piang niin zin mite hipna atana buatsaih a nih thu a sawi a. Serchhip District chuan State pum huap inelnaah lawmman a lo la fo tawh thin tih pawh sawiin, tun tuma Serchhip District aiawh tura thlanchhuah te pawh duhsakna a hlan a, Serchhip hmel timawitu ni a, lawmman dawng thei tur khawpa inbuatsaih turin a chah a. Tlawmngai pawl hrang hrang te chungah lawmthu sawiin, thawhhona tha tak an neih avanga programme hlawhtling taka buatsaih thei an nih thu a sawi a. District Administration hi mipui mimirte leh tlawmngai pawlte thlawpna tel lo chuan kenkawh theih a nih lohzia tilangtu a nih thu a sawi bawk.
‘Narrating Mizoram: Tales of Our Land’ tih thupui hmang hian Sub-Hqrs. YMA Serchhip chuan District pum huapin Thawnthu inphuahsiak an lo buatsaih tawh a, heta thawnthu tha thlan-chhuah te hmang hian mi panga thlanchhuah ten inelna an nei leh a, a pumpui ah Lalruattluanga chu pakhatna niin Lalthanzami Chhangte chu pahnihna a ni a, midang pathum ten Consolation Prize dawngin an vai hian Govt. Serchhip College-a zirlaite vek an ni.
.jpeg)
He inelna hi Sub-Hqrs. YMA President Kawlthuama chuan kaihruaiin Serchhip DIPRO Lalnunmawii, GSC-a Asst. Professor K Lalrin-chhana leh GHSS-a Lecturer Samuel Saithuam-liana ten intihsiakna hi an endik a ni.
.jpeg)
Comments
Post a Comment
I ngaihdan i sawi hian mipui ngaihdan i tarlang a ni!